Klodian Dodaj është një skulptor shqiptar. Lindi ne 1986 ne Rreshen, Mirdite, ku u dallua që në moshë të hershme për talentet e ndryshme dhe dëshirën e madhe për dije. Spikati për aftësi të veçanta krijuese, gjë që e shtyu të ndiqte studimet për artet pamore në Shkollën e Mesme Artistike "Prenkë Jakova" në Shkodër, në degën e Skulpturës.

Në vitin 2005 fitoi të drejtën për të studiuar në Bolonjë të Italisë, ku u diplomua për Skulpturë e Arte Pamore me rezultate të larta.

Vitet në vazhdim i ndau mes Italisë dhe Shqipërisë. Se fundmi punimet e tij i zhvilloi kryesisht ne materialet e forta, si mermeri dhe guri. Realizoi punime të ndryshme dekorative dhe artistike për individë, firma apo institucione. Mori pjesë në projekte të ndryshme interieri dhe fasadash. Pas vitit 2021 realizoi vepra në mermer me dimensione gjithmonë e më të mëdha, duke kërkuar gjithmonë bukurinë, harmoninë, vlerat që mbeten dhe duke synuar ngritjen e njeriut në një epokë dekadence. Skulptori vazhdon rrugëtimin e tij mes mitit, heronjve, muzave e grimcave të bukurisë duke liruar nga materialet veprat e tij duke u dhënë kështu jetë.